rumasa

April 11, 2012 2 Comments

Rumasa

Petengna peuting nyaksian
Ngabangingikna diri
Rumasa ras kana lampah
Nu teu weleh ngalengkah na jalan salah


Poek mongklengna peuting
Gambaran renghap eungapna rasa
Rumasa kasasar lampah
Ngaberung nafsu ngumbar amarah


Duh Gusti
Neda pitulung ngan ka Anjeun
Bukakeun lawang hate
Caangkeun pikir jembarkeun rasa
Singlar karuwet jauhkeun tugenah


Duh Gusti
Rumasa diri teu walakaya
Anging pitulung Anjeun
Ngan ka Anjeun menta ngan Anjeun anu bisa
Ngaping jeung ngajaring diri
Tina lampah nu teu uni


Gusti neda pangampura ieu diri
Tembongkeun jalan anu lempeng
Gesan nyukcruk galur nu di piridho ku Anjeun

Filed under puisi Tagged with , , , , , ,

About kangyan
hanya seorang awam yang suka menulis sebelum tidur... menulis tentang apa saja, dari yang di dengar, di lihat dan di rasakan... bentuk tulisan sekedar ekspresi pemberontakan yang hanya tersalur lewat tulisan...

2 Responses to rumasa

  1. rifdanella says:
    April 11, 2012 at 8:29 am

    tapi abdi mah teu rimasa kang….. 🙂

    Reply

yang sudah baca di tunggu komenya,,,,,, terima kasih.