anjeun
December 28, 2011 10 Comments
Anjeun
Layung geus nyingkur nyusup tukangeun gunung
Ninggalkeun sumingratna warna nu endah kacida
Ras ka gagas ka mangsa lawas
Kacipta ngabayang waktu urang munggaran tepang
Di teras buruan hareupeun imah saksina
Anjeun make kaos bodas nyacas
Payus nutupan kulit nu beresih bodas
Rok biru di pasieup ku gambar kembang-kembang bodas
Rada pungsat luhureun tuur mungkus sampean nu lenjang
Hiliwirna angin gunung nyingraykeun rambut nu panjang
Duh endahna mangsa harita
Mangsa katukang nu karandapan
Sempal guyon gogonjakan
Pinuh kabungah kebek ku kanyaah
Sabara taun kaliwat enggeus
Teu kungsi kuring carita
Kajadian harita jadi katineung anu nyata
Nepi ka kiwari ka patri jero ati
Ngahias lambaran ka gagas
Katineung harita ayena geus jadi nyata
Anjeun nu di picinta geus jadi milik kuring
Teu bisa di gambarkeun bungahna pisan
Nalika jadi ka bale nyungcung
Katineung harita sarua jeung katineung ayeuna
Katineung harita sing jadi terus katineung
Na waktu nu teu aya tungtung
…
About kangyan
kangyan 
hehe…suksek gan “moro”na,,alhamdulillah di beubgkeut ku tali asih nepi ka kiwari…
salam taun baru di anteur ku ngecrekna hujan..
muhun katingal pisan bati na… [bari ngare-ret kabudak…hehehe]
hehe….(budakna sare marende emana haha…wajib)
katineung pisan…kumaha moro “nu pungsat luhurueun tuur”… 😀
salam ngahiliwir nu kapungsat
blognoerhikmat
hmm jadi emut deui ka anjeunana…duuh mani wararaas ngemut ngemut panineungan…..aya di mana nya anjeuna..? ddduuuuuhhh…kunaon ieu jadi panineungan kieu…:)
punten sanes ngahaja keur ngagagas ka mangsa lawas…
nuju ngalamun nyorangan eh emut ka mangsa harita iseng we teras di posting…
Asa matak waas.
Mugia bagja salalawasna..
amiinnn….
sami mugia urang sadaya sing pinanggih jeung ka bagjaan…
Kuraqng faham gan. 🙄
hehe…
maaf gan pake bahasa sunda jadi wajar saja kalau kurang paham…
intinya hanya menceritakan saat saat dulu waktu pertama bertemu dengan si dia hehe
yang sampai sekarang jadi kenangan, seperti itu gan..