Jalu

Jalu

Jalu hidepteh jimat
Nu morojol tina rahim indung
Mendeyang salapan bulan lilana
Di pupusti di dama dama di jaga di rawat
Iklas teu ngarasula teu malire cape jeung ripuh

Jalu hidepteh calon
Gubrag ka dunya ngong di adzanan tur di komatan
Halimpu sora bapa kalimat munggaran ka reungeu
Na ceuli katuhu kenca gantian

Jalu hidepteh pigura
Ngawengku endahna ngahiji
Matri dua hate ngahijikeun dua kahayang
Indung jeung bapa ngojayan endahna rasa

Jalu hidepteh sengserang panon
Panghibur pangbubungah mere sumanget
Lucu nempo seuri kayungyun nyugemakeun
Ngaraketkeun indung bapa ngambah sagara rumah tangga

Jalu hidepteh cukang
Jambatan ngahontal kahayang
Nepungkeun ngimpi jeung nyata
Tina lamunan jadi kayaan enyaan

Jalu hidepteh kembang
Nyambuang sengit minuhan ruang
Kebek ngahiliwir maseuk sela sela jero dada
Nu ti kamari was was nungguan
Teu elat ku doa jeung pangharepan

puisi di tulis 19o312 gara gara liat c nenk yang lagi ngidam